જો તમે કુદરતી સૌંદર્ય મેળવવા માંગતા હોવ તો, રાતે સૂતા પહેલા આ ૫ વસ્તુઓ કરો

આજનાં યુગ માં છોકરો હોય કે છોકરી દરેક તેની સુંદરતા ને લઈને ખૂબ જ ચિંતિત હોય છે. તેથી તેઓ મોંઘા અને કેમિકલ યુક્ત પ્રોડક્ટ નું ઉપયોગ કરવાનું ટાળતા નથી. પરંતુ સુંદરતા જાળવી રાખવી એ કોઈ બાળકો ની રમત નથી. ઘણા લોકો દિવસભર તેનાં કામકાજ માં વ્યસ્ત રહે છે. તેવામાં તે પોતાની ત્વચા ની સંભાળ રાખી શકતા નથી. તેથી તેની ત્વચા શુષ્ક અને નિર્જીવ બની જાયછે. પરંતુ આજે અમે આ લેખ માં તમને એવા કેટલાક ઉપાય જણાવીશું જેને અપનાવી ને તમે તમારી ત્વચાને પહેલાં કરતાં વધુ સારી બનાવી શકશો. આ માટે રાતે સૂતા પહેલા આ ૫ વસ્તુ કરવી ખૂબ જ મહત્વપૂર્ણ છે.

મેકઅપ ને દૂર કરવો

તે વાતમાં કોઈ શંકા નથી કે છોકરીઓ મેકઅપ કરવાનું ખૂબ જ પસંદ કરે છે. ઘણી છોકરીઓ સવારે સ્નાન કર્યા પછી તુરંત જ મેકઅપ લગાવે છે. જોકે આ મેકઅપ તેને થોડી ક્ષણો પૂરતી સુંદરતા તો આપે જ છે. પરંતુ તેમાં રહેલા કેમિકલ નાં લીધે ચહેરો કાયમ માટે શુષ્ક બની જાય છે. એવામાં સુતા પહેલા મેકઅપ ને ઉતારવો ખૂબ જ જરૂરી છે. તેથી જ સુતા પહેલા ચહેરો  ને ક્લિન્ઝિંગમિલ્ક થી સાફ કરવો.તે ના કરવાથી તમારા ચહેરા પર ડાઘ, ધબ્બા અને કરચલીઓ પડી જાય છે.

રાતે સૂતા પહેલાં નાહવું

હંમેશા લોકો દિવસ નાં જ નાહવા નું પસંદ કરે છે. પરંતુ જો તમારે દિવસભર નો થાક ઉતારવો હોય તો રાતે સુતા પહેલા સ્નાન કરો. આમ કરવાથી તમારા શરીર પર ની ગંદકી સાફ થઈ જશે અને છિદ્રો ખુલવા નાં કારણે ત્વચા પણ શ્વાસ લઇ શકશે.નહાવા નાં પાણીમાં બે ચમચી મધ અને પાંચ ચમચી દૂધ મિક્સ કરીને સ્નાન કરવાથી સામાન્ય સ્નાન કરતાં તમે વધુ તાજગી અનુભવશો. જો તમે ઇચ્છો તો તમારા મનપસંદ બોડી સાવેર થી પણ નાખી શકો છો. જો તમે ઠંડી માં નાહવા નું ટાળો છો તો ગરમ પાણી માં ટુવાલ પલાળી ને શરીર ને સારી રીતે સાફ કરવું જોઇએ.

ત્વચા ને મોઈશ્ચરાઈઝર કરવું

આપણા શરીર નાં ભાગો માં ભીનાશ નું પ્રમાણ હોવું ખૂબ જ મહત્વપૂર્ણ છે. તેથી સ્નાન કર્યા પછી માત્ર ચહેરા પર જ નહીં પરંતુ આખા શરીર પર ક્રીમ અથવા નાળિયેર તેલ લગાવીને મોઈશ્ચરાઈઝરશન  કરવું આમ કરવાથી ત્વચા ની શુષ્કતા ઓછી થશે અને ભીનાશ બની રહેશે. મોઈશ્ચરાઈઝર કરતા પહેલા એ ખાસ ધ્યાન રાખવું કે તમારા હોઠ પર મલમ લગાવો અને ચહેરા પર નાઈટ ક્રીમ લગાવી.

હેર કોમ્બ કરવા

રાત નાં વાળ ને પાણીથી સાફ કરવાના જોઈએ નહી પરંતુ વાળ ને સાફ રાખવા પણ ખૂબ મહત્વનું છે. વાળ આપણી સુંદરતા માં સૌંદર્ય ઉમેરે છે. તેથી રાતે સુતા પહેલા વાળમાં સારી રીતે કાંસકો કરો. વાળને ખુલ્લા ના રાખવા જોઈએ રાતે સુતા પહેલા વાળ ને બાંધી ને સુવું. વાળ બાંધતી વખતે એ વાત નો ખ્યાલ રાખવો કે વાળ ને વધારે ખેંચીને ના બાંધવા જેથી તે કમજોર થઈ અને તૂટી જાય છે.

દાંત સાફ કરવા

રાત્રે સૂતાં પહેલાં બ્રશ કરવાની સલાહ આપણે નાનપણ થી સાંભળતા હોઈએ છીએ. સફેદ અને સ્વસ્થ દાંત માટે રાતે સૂતાં પહેલાં બ્રશ કરવું ખૂબ જરૂરી છે. સૂતાં પહેલાં બ્રશ કરવાથી આપણા દાંતમાં ફસાયેલું ભોજન બહાર નીકળી જાય છે. અને પેઢા અને દાંત લાંબા સમય સુધી મજબૂત રહે છે.